पोखरा । नेपालमा पछिल्लो २४ घण्टामा ८,३०५ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयले बिहीबार दिएको जानकारी अनुसार विभिन्न जिल्लामा गरिएको २१ हजार ६९५ पीसीआर परीक्षणमा ८ हजार २२७ र ३ सय ९२ जनाको एन्टिजेन विधिबाट गरिएको परीक्षणमा ७८ जना गरी ८३०५ जनामा कोरोना पुष्टि भएको हो ।
यो सँगै नेपालमा हालसम्म संक्रमित हुनेको संख्या ४ लाख ८८ हजार ६४५ पुगेको छ ।
पछिल्लो २४ घण्टामा १९० जनाको संक्रमणका कारण मृत्यु भएको छ ।
त्यस्तै पछिल्लो २४ घण्टामा ६,५४३ जना संक्रमणमुक्त भएका छन् । योसहित निको हुनेको संख्या ३ लाख ६६ हजार ९४६ पुगेको छ ।